Tag: शायर

जद बी मांडबा बैठूं छूं कविता घर का अंधेरे घप्प खूण्यां में थारा ऊजळा अणग्यारा की तोल पाड़ द्ये छै टमटमाती दो आंख्यां का हीरा की चमक। अर म्हूं धोळा कागद पे खूण्यां को अंधेरो ल्ये थारी आंख्यां का हीरां की चमक कै भरोसै मांड द्यूं छूं कविता की भैंत का दो-च्यार कैरक-भैरक आखर। चाहूं… Continue reading जद बी मांडबा बैठूं छूं कविता / ओम नागर

सतूळ की नांई कतनो बैगो ढसड़ जावै छै थारो बस्वास बाणियां की दुकान पै मिलतौ हो तो कदी को धर देतो थारी छाला पड़ी हथेळी पै दो मुट्ठी बस्वास। बाळू का घर की नांई पग हटता ईं कण-कण को हो जावै छै थारो बस्वास खुद आपणै हाथां आभै पै ऊलाळ द्ये छै तू भींत, देहळ… Continue reading थारो बस्वास / ओम नागर

सूरज उग ढळग्यों/आंथग्यो जाणै कतनी बेर। पोवणी की नांई तपबा लाग’गी धरणी जेठ की भरा-भर दुपैरी मं भर्रणाया बादळां की नांई जी गैल पै रूस’र चली’गी छी तू। ऊं गैल पै मन की रीती छांगळ ल्यां ऊंभौ छूं हाल बी थंई उडीकता।

तू धार लेती तो यूं धरकार न्हं होतो जमारो। ठूंठ का माथा पै फूट्याती दो तीत्याँ हथैली की लकीरां सूं नराळी न्हं होती भाग की गाथा। तू बच्यार लेती तो यूँ न्हं ढसड़ती चौमासा मं भींत। घर-आंगणा का मांडण्यां पै न्हं फरतौ पाणी पछीत पै मंण्डी मोरड़ी न्हं निगळती हीरां को हार। ज्यों दो पग… Continue reading लैरा-लैरा / ओम नागर

लूंठां सूं लूंठा दरजी कै बी बूता मं कोई न्हं परेम को असल पतवाणो ले लेबो। छणीक होवै छै परेम की काया को दरसाव ज्यें केई नै दीखता सतां बी न्हं दीखै न्हं स्वाहै कोई नै फूटी आंख। आपणा-आपणा फीता सूं लेबो चाह्वै छै सगळां नांळा-नांळा पतवाणा उद्धवों कतनो ई फरल्ये भापड़ो गुरत की फोटळी… Continue reading पतवाणों / ओम नागर

अस्यां तो कस्यां हो सकै छै कै थनै क्है दी अर म्हनै मान ली सांच कै कोई न्हं अब ई कराड़ सूं ऊं कराड़ कै बीचै ढोबो भरियो पाणी। कै बालपणा मं थरप्यां नद्दी की बांळू का घर-ऊसारां ढसड़ग्यां बखत की बाळ सूं कै नद्दी का पेट मं न्हं र्ही अब कोई झरण। होबा मं… Continue reading हलौळ / ओम नागर