Category: Thabu Shankar Kavithaigal

இந்தா என் இதயம். அதை நீ விளையாடும்வரை விளையாடிவிட்டுத் தூக்கிப் போட்டுவிடு. அது அதற்குத்தான் படைக்கப்பட்டது.

தெய்வமே, உன்னை என் இதயத்திலிருந்து வெளியேற்றிவிட்டு, ஒரு பெண்ணைக் குடிவைத்ததற்காகக் கோபித்துக்கொண்டு என்னைக் கைவிட்டு விடாதே! உன்னால் தூணிலோ, துரும்பிலோகூட வாசம் செய்ய முடியும். அவளால் முடியுமா?

காதலிக்கும்போது கவிதைதான் கிடைக்கிறது. காதலிக்கப்படும்போதுதான் வாழ்க்கை கிடைக்கிறது.

எல்லோரும் கோயில் சிற்பங்களை ரசித்துக்கொண்டிருந்தார்கள் சிற்பங்களெல்லாம் உன்னை ரசித்துகொண்டிருந்தன !

உன் பிறந்த நாளையும் பிறந்த நேரத்தையும் காட்டுகிற ஒரு கடிகாரம் என் அறையிலிருக்கிறது. “கடிகாரம் ஓடலியா?” என யாராவது கேட்டால் சிரிப்புத்தான் வரும்.. அது காலக் கடிகாரம் அல்ல என் காதல் கடிகாரம்

உன் பிறந்த நாளையும் பிறந்த நேரத்தையும் காட்டுகிற ஒரு கடிகாரம் என் அறையிலிருக்கிறது. “கடிகாரம் ஓடலியா?” என யாராவது கேட்டால் சிரிப்புத்தான் வரும்.. அது காலக் கடிகாரம் அல்ல என் காதல் கடிகாரம்

எனது உறக்கத்தின் வாசலில் நான் காவல் வைத்திருக்கிறேன். உனது கனவுகளை மட்டும் அனுமதிக்க..

வரதட்சிணை எல்லாம் கேட்டு உன்னைக் கொடுமைப்படுத்திவிட மாட்டேன். ஆனால் அதைவிடக் கொடுமையாய் இருக்கும் என் காதல்.

அழகான பொருட்கள் எல்லாம் உன்னை நினைவு படுத்துகின்றன.. உன்னை நினைவுபடுத்துபவை எல்லாமே அழகாகத்தான் இருக்கின்றன

எதை கேட்டாலும் உன் வெட்கத்தையே தருகிறாய்.. உன் வெட்கத்தை கேட்டால் எதை தருவாய்..?