Tag: नज्म

रती बिन साधु, रती बिन संत, रती बिन जोग न होय जती को॥ रती बिन मात, रती बिन तात, रती बिन मानस लागत फीको। ‘गंग कहै सुन साह अकब्बर, एक रती बिन पाव रती को॥ एक को छोड बिजा को भजै, रसना जु कटौ उस लब्बर की।

लहसुन गाँठ कपूर के नीर में, बार पचासक धोइ मँगाई। केसर के पुट दै दै कै फेरि, सुचंदन बृच्छ की छाँह सुखाई॥ मोगरे माहिं लपेटि धरी ‘गंग बास सुबास न आव न आई। ऐसेहि नीच को ऊँच की संगति, कोटि करौ पै कुटेव न जाई॥

करि कै जु सिंगार अटारी चढी, मनि लालन सों हियरा लहक्यो। सब अंग सुबास सुगंध लगाइ कै, बास चँ दिसि को महक्यो॥ कर तें इक कंकन छूटि परयो, सिढियाँ सिढियाँ सिढियाँ बहक्यो। कवि ‘गंग भनै इक शब्द भयो, ठननं ठननं ठननं ठहक्यो॥

मृगनैनी की पीठ पै बेनी लसै, सुख साज सनेह समोइ रही। सुचि चीकनी चारु चुभी चित में, भरि भौन भरी खुसबोई रही॥ कवि ‘गंग’ जू या उपमा जो कियो, लखि सूरति या स्रुति गोइ रही। मनो कंचन के कदली दल पै, अति साँवरी साँपिन सोइ रही॥

उझकि झरोखे झाँकि परम नरम प्यारी , नेसुक देखाय मुख दूनो दुख दै गई । मुरि मुसकाय अब नेकु ना नजरि जोरै , चेटक सो डारि उर औरै बीज बै गई । कहै कवि गंग ऎसी देखी अनदेखी भली , पेखै न नजरि में बिहाल बाल कै गई । गाँसी ऎसी आँखिन सों आँसी आँसी… Continue reading उझकि झरोखे झाँकि परम नरम प्यारी / गँग

फूट गये हीरा की बिकानी कनी हाट हाट, काहू घाट मोल काहू बाढ़ मोल को लयो। टूट गई लँका फूट मिल्या जो विभीषन है, रावन समेत बस आसमान को गयो। कहै कवि गँग दुरजोधन से छत्रधारी, तनक मे फूँके तें गुमान बाको नै गयो। फूटे ते नरद उठि जात बाजी चौसर की, आपुस के फूटे… Continue reading फूट गये हीरा की बिकानी कनी हाट हाट / गँग