Category: Gujarati Poetry

જો કહું તો માત્ર પટપટ થઈ રહેલી પાંપણો છીએ વધારે કૈં નથી, ને સમયના દાંત ચોખ્ખા રાખવાના દાંતણો છીએ વધારે કૈં નથી. ઊંઘવું કે જાગવું કે બોલવું કે ચાલવું કે દોડવું કે હાંફવું; આ બધામાં એકદમ કારણ વગરનાં કારણો છીએ વધારે કૈં નથી. તું પ્રવાહિતાની જ્યારે વાત છેડે ને તરત હસવું જ આવી જાય છે,… Continue reading વધારે કૈં નથી / અનિલ ચાવડા

કોઈ અડક્યું તો કમાલ થઈ ગઈ, ભીતર ધાંધલધમાલ થઈ ગઈ. કોઈ આંખ જો ભીની થઈ તો, કોઈ આંગળી રૂમાલ થઈ ગઈ. પંખીએ બે ટહુકા વેર્યા, હવા બધીયે ગુલાલ થઈ ગઈ. ડાળે ડાળે શુભ સંદેશા, ઋતુઓ સઘળી ટપાલ થઈ ગઈ. ઝાકળની જયાં વાત કરી ત્યાં, સૂરજ સાથે બબાલ થઈ ગઈ.

આવ્યા અમે ફરીથી એવી સવાર લઈને, કે થઇ ગયો છે સૂરજ છૂટ્ટો પગાર લઈને. તું નિકળે અહીંથી રસ્તો જ હું બની જઉં, બેઠા ઘણા વરસથી આવો વિચાર લઈને. આવી રહી છે ઈચ્છા આ કોનું ખૂન કરવા? આંખે અગન ભરીને કેડે કતાર લઈને. જાતે પસંદ કર્યો છે આ રોગ મેં જ મારો, હું શું કરું તમારી… Continue reading સવાર લઈને / અનિલ ચાવડા

એકદમ ગંભીર એવા હાલ પર આવી ગયા. ડૂસકાંઓ પણ બરાબર તાલ પર આવી ગયાં. કોઈ બિલ્લી જેમ ઊતરી પાંપણો આડી છતાં, આંસુ રસ્તાને વટાવી ગાલ પર આવી ગયાં. એમણે એવું કહ્યું જીવન નહીં શતરંજ છે, તો અમે પાછા અમારી ચાલ પર આવી ગયા. શું હશે? સાચું હશે? અફવા હશે? કે શું હશે? સર્વ રસ્તા એકદમ… Continue reading એવા હાલ પર આવી ગયા / અનિલ ચાવડા

જેમ ડાળી પર ફૂલોનો મ્હેકતો પરિચય ઉગે, કોઈ બાળકના નયનમાં એ રીતે વિસ્મય ઉગે. હું સરોવરનો મગર છું કે મને તું છેતરે? એમ કૈં થોડાં જ વૃક્ષોની ઉપર હૃદય ઉગે? છે બધા માણસ સમયની ભૂમિમાં રોપેલ બી, કાળ વીતે એમ ચ્હેરા પર બધાના વય ઉગે. ધર્મ માટે આ જમીનો કેટલી ફળદ્રુપ છે, ક્યાંક કંકુ પણ… Continue reading જેમ ડાળી પર / અનિલ ચાવડા

જ્યારથી એ જણ કશાની શોધમાં છે, ત્યારથી આખું જગત વિરોધમાં છે. ચાહું છું એને વધારે તીવ્રતાથી, વ્યક્તિ જે જે મારી પ્રત્યે ક્રોધમાં છે. માનવી ને પહાડ વચ્ચે ફેર શો છે? એક આંસુમાં છે, બીજો ધોધમાં છે. હોય છે માણસ પ્રમાણે સત્ય નોખાં, મારું એ મારી કથાના બોધમાં છે. કૂંપળો તો છેવટે ઊગી જ જાશે, સેંકડો… Continue reading જ્યારથી / અનિલ ચાવડા