जय भीम और जय भारत की बोलो मिल कै सारे
जब्त जमानत इस भा.ज.पा. कै इबकै पसीने आरे।…टेक
जो कुछ कर राख्या इननै यो थारै आगै सै।
पूंजीपतियां की या सरकार बण कै चालै सै।
थारी बेल की नाल नै या ए काटै सै।
जिन्दगी भर ना उभर सकै थाम नै उड़ै ए राखै सै।
ढंग इसा ए लागै सै इबकै ये भी गये मारे…
लीला झंडा देख भा.ज.पा. या छोड़ गई हल्का।
या सुरलाई हांडै इसका हो लिया फड़का।
दहशत बी.एस.पी. की मार गई इस कै लागग्या पलैका।
हट जा उल्टी फंस जागी यो भारत का खुड़का।
और नहीं चलैगा इबकै धक्का ये बब्बर शेर आरे…
सताईस परसेंट नौकरियां पै आरक्षण ला दिया।
बैकवर्ड और हरिजन यो अलग बणा दिया।
जाति-पाति कहकै यो नारा ला दिया।
डले बगा कै पब्लिक का यो जूत बजा दिया।
देश का नाश करा दिया इब मांगैं वोट ये थारे…
डॉ. अम्बेडकर नै संविधान इसा बणा दिया।
सबका अधिकार राज म्हं एक सार ला दिया।
राज करणिया जामै थी रानी उसका प्रेशन करा दिया।
भारत देश सारे न पाणी एक म्हं पिया दिया।
और बड़सी नै नारा ला दिया अमरसिंह झंडा ठारे…